पाकिस्तानध्ये ऑईल टँकरच्या स्फोटात 123 जण ठार

नवी दिल्ली, दि. 25 - पाकिस्तानातील पंजाब प्रांतात आज रविवारी सकाळी बहावलपूर शहराजवळ ऑईल टँकरच्या आगीमुल्या स्फोटात 123 नागरिकांचा मृत्यू  झाला. मृतांच्या संख्येत वाढ होण्याची शक्यता वर्तविण्यात आली आहे. जखमींना जवळच्या रुग्णालयात दाखल करण्यात आले आहे.
चालकाचा टँकरवरील ताबा सुटल्यानं टँकर पलटी झाला. पलटी झाल्यावर टँकरमधून वाहणारे तेल जमा करण्यासाठी आसपासच्या परिसरातील नागरिकांनी  टँकरजवळ गर्दी केली. मात्र, अचानक टँकरला आग लागून स्फोट झाला. या आगीत शेकडो लोकांचा होरपळून मृत्यू झाला आहे. या आगीत 6 कार आणि 12  मोटरसायकल जळून खाक झाल्या आहेत.