तर महागात पडेल, राजू शेट्टींचा सरकारला इशारा
मुंबई-नागपूर समृद्धी महामार्गासाठी शेतकर्‍यांच्या जमिनी घेण्याचं काम सुरु आहे. मात्र त्याला शेतकर्‍यांचा विरोध आहे. त्या पार्श्‍वभूमीवर राजू शेट्टींनी सरकारला इशारा दिला. तुमचा हेतू शुद्ध असेल तर शेतकर्‍यांवर बळजबरी करण्याऐवजी, शेतकर्‍यांना विश्‍वासात घ्या, असा सल्लाही शेट्टींनी दिला. शेतकर्‍यांची कळ काढली तर काय होतं हे जाणून घ्यायचं असेल, तर अजित पवारांना भेटा, असा टोलाही त्यांनी लगावला. यावेळी राजू शेट्टी म्हणाले, शेतकर्‍यांवर गोळ्या चालवणार्‍यांवर उन्हा- तान्हात संघर्ष यात्रा काढण्याची वेळ आली आहे. त्यांच्या बुडाखालच्या खुर्च्या खाली झाल्या. ते 15 वर्ष होते. तुम्हाला तर आताच अडीच वर्षे झाली आहेत. शेतकर्‍यांच्या जमिनी बळजबरीने घ्यायचा प्रयत्न केला तर महागात पडेल.
