नवी दिल्ली, दि. 20 - दिल्लीमधील जाफराबाद भागात रात्री उशिरा दोन तरुणांची गोळया झाडून हत्या करण्यात आली. यातील एका तरुणाचा जागीच मृत्यू झाला तर दुसर्‍याचा मृत्यू रुग्णालयात उपचारादरम्यान झाला असल्याचे सांगण्यात येत आहे. या घटनेची माहिती मिळताच रात्री उशिरा पोलीस घटनास्थळी दाखल झाले. या घटनेचा तपास सुरू करण्यात आला आहे. ही घटना आपापसातल्या वादामुळे झाला असावा अशी शक्यता पोलिसांकडून वर्तवण्यात आली आहे. या परिसरातील सीसीटीव्ही चित्रकरणाच्या साहाय्याने आरोपींचा शोध सुरू केला असल्याचे पोलिसांकडून सांगण्यात आले आहे.
