जवानांना मारलेल्या एका थप्पडच्या बदल्यात 100 जिहादींना ठार करा : गंभीर
श्रीनगरमध्ये रस्त्यावर शांतपणे चालत असलेल्या सीआरपीएफच्या जवानांना छेडतानाचा तसंच मारहाण करत असल्याचा एक व्हिडीओ समोर आला आहे. या व्हिडीओमध्ये जवानांना मिळणारी वागणूक पाहता कोणत्याही भारतीयाला संताप अनावर झाल्याशिवाय राहत नाही. आझादी हवी आहे त्यांनी आताच देश सोडून चालतं व्हा. काश्मीर भारताचा अविभाज्य भाग आहे, हे त्यांनी लक्षात ठेवावं, अशा तीव्र शब्दात गंभीरने त्याच्या भावना व्यक्त केल्या आहेत. पोटनिवडणुकीच्या बंदोबस्तावरुन परतणार्‍या सीआरपीएफ जवानांना काही टवाळखोर फुटीरतावाद्यांनी चक्क लाथा-बुक्यांनी मारल्याचं व्हिडीओत स्पष्ट दिसतं आहे.
विशेष म्हणजे एवढा अपमान सहन करुनही हातात एके-47 असलेले देशाचे रक्षणकर्ते शांत आहेत. ते कुठल्याही प्रकारचं प्रत्युत्तर देत नाहीत. कारण दुश्मानाच्या नरडीचा घोट घेणार्‍या जवानांना देशातील नागरिकांना हात न लावण्याची शिकवण दिली जाते. फुटीरतवाद्यांसाठी हेच खरं चोख प्रत्युत्तर आहे.
