बाळासाहेबांना धडा शिकवायचा होता : डेव्हिड हेडली

मुंबई, 26 - बाळासाहेब ठाकरेंना धडा शिकविण्यासाठीच हाफिज सईद याने मला ‘मातोश्री’ची रेकी करायला सांगितले होते. तसेच शिवसेना भवन परिसराची चित्रफितही काढली, अशी धक्कादायक माहिती दहशतवादी डेव्हिड हेडलीने कोर्टात दिली. 

मुंबईवरील 26/11 हल्ल्याचा मास्टर माईंड हेडलीची व्हिडीओ कॉन्फरसिंगद्वारे उलट तपासणी सुरु आहे. यावेळी हेडलीने अनेक धक्कादायक खुलासे केले आहेत. हेडलीने यावेळी ‘मातोश्री’ या शिवसेनाप्रमुखांच्या निवासस्थानाची रेकी केल्याचे सांगितले. हाफिज सईदला बाळासाहेब ठाकरेंना धडा शिकवायचा होता, त्याचसाठी मातोश्रीची रेकी केली होती. बाळासाहेब ठाकरेंना धडा शिकवण्यासाठी मला 6 महिन्यांचा वेळ द्या, असे आश्‍वासनही मी हाफिज सईदला दिले होते, असे डेव्हिड हडेलीने कोर्टात सांगितले.