बाळगोपाळांची शिवजयंती उत्साहात

नाशिक/प्रतिनिधी। 27 - महाराष्ट्राचे आराध्य दैवत छत्रपती शिवाजी महाराज यांची जयंती संत ज्ञानेश्‍वर कला व क्रीडा सांस्कृतिक न्यास या संस्थेच्या बाल संस्कार केंद्रात उत्साहात साजरी करण्यात आली.

कार्यक्रमाची सुरूवात छत्रपती शिवाजी महाराज यांच्या प्रतिमेला पुष्पहार अर्पण करून झाली यावेळी प्रमुख पाहुणे म्हणून मोहन जगताप उपस्थित होते. सदर कार्यक्रमाकरीता केंद्रातील विद्यार्थी कैवल्या फटांगळे याने छत्रपतींचा गणवेश परिधान केला होता व जिजाऊंच्या भुमिकेत रेणुका सूर्यवंशी, व मावळे म्हणून सूरज भुसारे, रोशन शवताळे, रूद्र भामरे, साई शिंदे, कोमल कामाश्री, श्रद्दा इत्यादी विद्यार्थिनींनी सदर कार्यक्रमाची शोभा वाढविली.  सदर शाळेच्या बाळ गोपाळांनी शिवाजी महाराजांचा इतिहास मांडला. कार्यक्रमाचे प्रास्तविक विजया बागुल यांनी केले व सूत्रसंचलन सुरेखा पवार, भारती सुरळकर यांनी केले व आभार प्रदर्शन अनिकेत जगदाळे यांनी केले.