सिम्बॉयसिसच्या विद्यार्थीनीचा विनयभंग

पुणे: 26 - सिम्बॉयसिस कॉलेजच्या एका विद्यार्थिनीचा विनयभंग आणि लुटल्याची घटना हनुमान टेकडी परिसरात घडली आहे. पीडित तरुणी हनुमान टेकडीवर अभ्यास करत असताना हा प्रकार घडला. २४ फेब्रुवारीला संध्याकाळी ७ वाजता ही घटना घडली. 

 पीडित 19 वर्षीय तरुणी पश्चिम बंगालची असल्याचं सांगण्यात येत आहे. चोरीच्या उद्देशाने आलेल्या टवाळखोरांनी पीडित तरुणीची छेडछाड करून तिचा विनयभंग केला. त्यानंतर तीचा मोबाईल, पर्स वगैरे लुटून पळ काढला.याप्रकरणी 25 फेब्रुवारीला रात्री उशिरा चतुःश्रुंगी पोलीस ठाण्यात गुन्हा दाखल करण्यात आला.
 ही विद्यार्थिनी अभ्यासासाठी गेली असताना ही घटना घडली. पोलिसांनी अज्ञात व्यक्तिविरोधात ३७६ आणि ३९२ कलमांतर्गत जबरी चोरी आणि बलात्काराचा गुन्हा दाखल केला आहे.