शहीद जवान अरूण कुटे यांचा चोरीस गेलेला पुतळा लोणी हवेली-जामगाव रस्त्याच्या बाजूला चक्क खोल खड्ड्यात सापडला. तालुक्यातील वडनेर हवेली येथील वीर जवान अरुण कुटे यांना पुंछ राजोरी (जम्मू कश्मिर) येथे ३ अतिरेक्यांचा खात्मा करताना १९ ऑक्टोबर २००३ रोजी वीरमरण आले. त्यांची आठवण म्हणून वडनेर हवेली (शहीद फाट्यावर) येथे त्यांचा ब्राँझचा पुतळा १ डिसेंबर २०११ रोजी बसवण्यात आला होता. काही समाजकंटकांनी २७ एप्रिल २०१७ रोजी रात्री पुतळा चोरून नेला.
