वाणिज्य शाखेतील विद्यार्थ्यांनी घेतले प्रत्यक्ष बँकिंग व्यवहाराचे प्रशिक्षण

पाथर्डी - पुस्तकी ज्ञानासोबतच विद्यार्थ्यांना प्रत्यक्ष रूपाने बँकिंग व्यावहारिक ज्ञान मिळावे या हेतूने पार्थ विद्या प्रसारक मंडळाच्या बाबूजी आव्हाड कनिष्ठ महाविद्यालयातील वाणिज्य शाखेतील प्राध्यापकांनी ११वी वाणिज्यच्या विदयार्थ्यांची दि. अहमदनगर मर्चंट्स को ऑप. बँकेच्या पाथर्डी शाखेला थेटभेट देण्यात आली. त्यांना तेथे प्रत्यक्ष व्यावहारिक बँकिंगचे धडे दिले.
बँकिंग क्षेत्रामध्ये अमुलाग्र बदल झालेले आहे. पारंपरिक बँकिंग कामकाजाची जागा आज तंत्रज्ञानाने घेतली आहे. सर्व यंत्रणा संगणीकृत झालेली आहे. सर्व व्यवहार संगणकामार्फत केले जातात. पैसे काढणे, पैसे भरणे, पैसे ट्रान्सफर करणे, आर टी जी एस, खाते उघडणे, बँकेचे दैनंदिन कामकाज, बँकेचे व्यवहार, ग्राहक सेवा आदी याबद्दल सर्व माहिती बँकेचे शाखा व्यवस्थापक महेश आणेचा व त्यांच्या सहकार्यांनी मुलांना दिली.