पंतप्रधान मोदींचं रशियातील गुंतवणूकदारांना निमंत्रण
केवळ विश्वासावर संबंध अवलंबून असणारे कमी देश आहेत. रशिया आणि भारताचे संबंध गेल्या 70 वर्षांपासून विश्वासावर टिकून आहेत, असं विश्वासाने सांगू शकतो. जगात अनेक बदल झाले, मात्र भारत-रशिया संबंध चांगले होत गेले, असं म्हणत मोदींनी रशियाचे राष्ट्रपती व्लादिमीर पुतीन यांनाही शुभेच्छा दिल्या. भारतातील सव्वाशे कोटी जनतेचा प्रतिनिधी म्हणून या ठिकाणी उपस्थित आहे. गेल्या तीन वर्षांपासून देशाच्या जनतेने पंतप्रधान म्हणून सेवा करण्याची संधी दिली. भारतात अनेक वर्षांनंतर संपूर्ण बहुमताने सरकार आलं आहे. त्यामुळे कोणताही निर्णय विश्वासाने घेण्यासाठी सक्षम आहोत. भारताचा सध्याचा वार्षिक जीडीपी 7 एवढा आहे. भारत जगातील सर्वात वेगाने वाढणारी अर्थव्यवस्था आहे, असं मोदींनी जगभरातील गुंतवणूकदारांना सांगितलं.
