त्या घटनेनं खूप काही शिकवलं, मी आता सुधारलोय : वॉर्नर
त्या वेळी बर्मिंगहॅमच्या एका बारमध्ये झालेल्या वादातून वॉर्नरनं रूटला एक ठोसा मारला होता. त्यामुळं वॉर्नरवर निलंबनाची कारवाई करण्यात आली होती. तसंच त्याला दंडही ठोठावण्यात आला होता. चार वर्षांनी पुन्हा बर्मिंगहॅममध्येच रूटच्या समोर उभा ठाकलेला वॉर्नर आता आपण सुधारलो असल्याचं सांगत आहे.
‘त्या घटनेनं आपल्याला खूप काही शिकवलं असल्याचं त्यानं म्हटलं आहे. माझं वय आता चार वर्षांनी वाढलं आहे. त्यामुळं ऐन तारुण्यातला माझा तापट स्वभावही आता निवळला आहे.’ असं वॉर्नरनं सांगितलं. ‘गेल्या चार वर्षांत माझं लग्न झालं. मला दोन मुलंही झाली आहेत. त्यामुळं आपण जबाबदारीनं वागायला लागलो आहे.’ असंही वॉर्नरनं सांगितलं.
