मुंबई ट्रान्स हार्बर लिंक : मुख्यमंत्र्यांच्या उपस्थितीत जपानशी सामंजस्य करार

मुंबई : नवी मुंबईसह कोकणासाठी महत्त्वपूर्ण असलेल्या मुंबई ट्रान्स हार्बर लिंक (एमटीएचएल) प्रकल्पाच्या टप्पा एक व टप्पा दोनच्या कामांसाठी मुख्यमंत्री देवेंद्र फडणवीस आणि जपानचे परिवहन जमीन पायाभूत सुविधा आणि पर्यटन मंत्री किशी इशी यांच्या उपस्थितीत एमएमआरडीए आणि कंत्राटदार यांच्यातील सामंजस्य करारावर आज स्वाक्षरी करण्यात आली.

याप्रसंगी भारतातील जपानच्या दूतावासाचे वित्तीय आणि विकासमंत्री केनको सोने, मुंबईतील जपानचे वाणिज्य दूत रोजी नोदा, एमएमआरडीएचे महानगर आयुक्त यूपीएस मदान, जपान इंटरनॅशनल को-ऑपरेशन एजन्सीचे (जायका) भारतातील वरिष्ठ प्रतिनिधी ताकायोशी तांगे आदी उपस्थित होते.

एमटीएचएल या प्रकल्पासाठी जायका कर्ज स्वरूपात निधी पुरविणार आहे. हा एकूण दोन 2.8अब्ज डॉलर्सचा (सुमारे 17 हजार 843 कोटी रुपये) प्रकल्प आहे. त्यापैकी 85 टक्के म्हणजेच सुमारे 15 हजार शंभर कोटी रुपये जायका एमएमआरडीएला देणार आहे.