कपिल शर्माचा शो आणखी एक वर्ष सुरु राहणार
सोनी कंपनी करार संपवणार अशा चर्चा गेल्या काही दिवसांपासून सुरु होत्या. त्यामुळे सोनी कंपनीच्या नव्या पत्रकामुळे कपिल शर्मालाही दिलासा मिळाला आहे आणि चर्चांनाही पूर्णविराम मिळाला आहे. खरंतर मार्च किंवा एप्रिल महिन्यात करार वाढवण्याची प्रक्रिया पूर्ण होणं गरजेची होती. मात्र, कार्यक्रमाच्या सातत्याने घसरणार्‍या टीआरपीमुळे करार वाढवला गेला नव्हता. त्याचवेळी चॅनलवर ‘द ड्रामा कंपनी’ लॉन्च करुन एकप्रकारे कपिलला इशारा देण्यात आला होता.
दरम्यान, कपिलसोबत आता एक नवीन लेखक जोडला गेला आहे. लेखक राज शांडिल्य आता कपिलसोबत काम करणार आहेत. वेलकम बॅक, फ्रीकी अली यांसारखे सिनेमे राज शांडिल्य यांनी लिहिले आहेत.
