पर्यावरण रक्षण व संरक्षणाचे काम महत्त्वाचे
राष्ट्रीय नागरी व पर्यावरण संरक्षण आंतरराष्ट्रीय संस्थेच्या महिला जिल्हाध्यक्षपदी रेखा जरे व जिल्हा कार्याध्यक्षपदी रंजना उकिर्डे यांना नियुक्तीचे पत्र श्री. राशीनकर यांच्या हस्ते देण्यात आले. यावेळी जिल्हाध्यक्ष इंजि. विनोद काकडे, डॉ. वि. की. तांदळे, डॉ. इम्रान शेख, म
च्छिंद्र वामन, साधना बोरुडे, ज्योती खराडे, सायली कुलकर्णी, सचिन काळे, स्वप्नील भोसले, किर्ती नगरकर, चिंतामणी, मृणाल जरे आदी उपस्थित होते.
काकडे म्हणाले की, राष्ट्रीय नागरी व पर्यावरण संरक्षण आंतरराष्ट्रीय संस्थेचे कार्य देशभर सुरू आहे. नगर शहरात या संस्थेचे चांगल्या प्रकारे सुरू असून, शहराबरोबरच जिल्ह्यातही या संस्थेचे कार्य सुरू व्हावे, या उद्देशाने विविद नियुक्त्या करण्यात आल्या आहेत. पर्यावरण रक्षणाच्या दृष्टीने वेळीच पावले उचलणे गरजेचे आहे. यासाठी समाजामध्ये जागृती होणे आवश्यक आहे. ही जागृती करण्याचे काम राष्ट्रीय नागरी व पर्यावरण संरक्षण आंतरराष्ट्रीय संस्था राष्ट्रीय स्तरावर करीत आहे. याबरोबरच मानवी हक्कांचे जतन व्हावे, यासाठी ही संस्था समाजकार्य करीत आहे, असे ते म्हणाले.
